Уәкiлеттi органның құзыретi 6-бап.

1. Уәкiлеттi органның құзыретiне:

1) өсiмдiктердi қорғау саласындағы бағдарламаларды әзiрлеп, Қазақстан Республикасының Yкiметiне табыс ету;

2) ерекше қауiптi зиянды организмдер тiзбесiн әзiрлеп, Қазақстан Республикасының Үкiметiне табыс ету;

2-1) өз құзыретi шегiнде өсiмдiктердi қорғау саласындағы нормативтiк құқықтық актiлердi әзiрлеу мен бекiту;

3) пестицидтер (улы химикаттар) айналымы саласындағы техникалық регламенттердi әзiрлеу;

3-1) мынадай:

пестицидтердi (улы химикаттарды) өндiру (формуляциялау);
пестицидтердi (улы химикаттарды) өткiзу;

пестицидтердi (улы химикаттарды) аэрозольдық және фумигациялық тәсiлдермен қолдану жөнiндегi қызмет түрлерiн лицензиялау ережелерiн әзiрлеу;

4) пестицидтердi (улы химикаттарды) тiркеу, өндiру сынақтарын және мемлекеттiк тiркеудi жүргiзу ережелерiн әзiрлеу мен бекiту;
5) пестицидтердi (улы химикаттарды) мемлекеттiк тiркеу және Қазақстан Республикасының аумағында пестицидтердi (улы химикаттарды) қолдану құқығына тiркеу куәлiктерiн беру;
6) пестицидтер (улы химикаттар) тiзiмiн әзiрлеу, бекiту және жүргiзу;
7) фитосанитариялық iс-шараларды жүзеге асыру жөнiндегi ұсыныстар мен әдiстемелiк нұсқаларды бекiту;

8) хаттамалар мен нұсқамалар нысандарын, сондай-ақ оларды Қазақстан Республикасының заңдарына сәйкес жасау мен шығару тәртiбiн бекiту;
9) фитосанитариялық iс-шараларды ұйымдастыру;

10) алынып тасталды – ҚР 2006.01.10 №116 Заңымен.
11) мемлекеттiк органдардың, жеке және заңды тұлғалардың фитосанитариялық iс-шараларды жүргiзудегi қызметiн үйлестiру;
12) Қазақстан Республикасының заңдарында белгiленген тәртiппен пестицидтердi (улы химикаттарды) мемлекеттiк сатып алуды, оларды сақтау, тасымалдау, қолдану жөнiндегi жұмыстар мен көрсетiлетiн қызметтердi ұйымдастыру мен өткiзу, сондай-ақ пестицидтердiң (улы химикаттардың) қорын жасау;

13) алынып тасталды – ҚР 2006.01.10. №116 Заңымен.
14) фитосанитариялық нормативтердi, фитосанитариялық есепке алу нысандарын, сондай-ақ оларды табыс ету тәртiбiн Қазақстан Республикасының заңдарында белгiленген тәртiппен әзiрлеудi ұйымдастыру және бекiту;

14-1) ведомстволық статистикалық байқаулар бойынша статистикалық әдiснаманы әзiрлеу;

15) зиянды және ерекше қауiптi зиянды организмдер бойынша фитосанитариялық мониторингтi ұйымдастыру;

16) пестицидтердi (улы химикаттарды) тiркеу, өндiру сынақтарын және мемлекеттiк тiркеудi ұйымдастыру;

17) өсiмдiктердi қорғау саласындағы қолданбалы ғылыми зерттеулерге тапсырыс берудi ұйымдастыру мен үйлестiру, жүзеге асыру;
18) бюджет қаражаты есебiнен сатып алынған пестицидтердi (улы химикаттарды) фитосанитариялық мониторинг деректерiне және қалыптасатын фитосанитариялық ахуалға қарай Қазақстан Республикасының аумағы бойынша бөлу;

19) алынып тасталды - ҚР 2006.01.10 №116 Заңымен.
20) алынып тасталды - ҚР 2006.01.10 №116 Заңымен.
21) халықаралық ұйымдармен және мемлекеттiк органдармен ынтымақтастықты жүзеге асыру және өсiмдiктердi қорғау саласындағы халықаралық бағдарламаларды iске асыруға қатысу;
22) алып тасталды

23) пестицидтердiң (улы химикаттардың) түрлерi бойынша запас нормативiн және оларды пайдалану тәртiбiн белгiлеу;
23-1) мемлекеттiк фитосанитариялық бақылауды ұйымдастыру және жүзеге асыру;

24) қоршаған ортаны қорғау және денсаулық сақтау саласындағы уәкiлеттi мемлекеттiк органдармен келiсiм бойынша пестицидтердi (улы химикаттарды) залалсыздандыру тәртiбiн айқындау;

25) фитосанитариялық iс-шараларды жүзеге асырудың тәртiбiн, тәсiлдерiн регламенттейтiн әдiстердi, әдiстемелердi, ұсынымдарды бекiту, өсiмдiктердi қорғау саласында қолданбалы ғылыми зерттеулер жүргiзудi ұйымдастыру, үйлестiру және бақылау, сондай-ақ өсiмдiктердi қорғау бойынша мамандар даярлау және бiлiктiлiгiн көтеру жөнiнде оқыту бағдарламаларын (оқу бағдарламаларын) келiсу;

26) "Қазақстан Республикасындағы мемлекеттiк бақылау және қадағалау туралы" Қазақстан Республикасының Заңына сәйкес ведомстволық есептiлiктiң, тексеру парақтарының нысандарын, тәуекел дәрежесiн бағалау критерийлерiн, жыл сайынғы тексерулер жоспарларын әзiрлеу және бекiту кiредi.

2. Алынып тасталды - ҚР 2009.07.17 №189-IV (қолданысқа енгiзiлу тәртiбiн 2-баптан қараңыз) Заңымен.

Ескерту. 6-бапқа өзгерту енгiзiлдi – ҚР 2004.07.09 №584, 2004.12.20 №13 (2005 жылғы 1 қаңтардан бастап қолданысқа енгiзiледi), 2006.01.10 №116 (2006 жылғы 1 қаңтардан бастап қолданысқа енгiзiледi), 2006.01.31 №125 (қолданысқа енгiзiлу тәртiбiн 2-баптан қараңыз), 2006.12.06 №209, 2007.01.12 №222 (ресми жарияланған күнiнен бастап алты ай өткеннен кейiн қолданысқа енгiзiледi), 2009.07.17 №188-IV (қолданысқа енгiзiлу тәртiбiн 2-баптан қараңыз), 2009.07.17 №189-IV (қолданысқа енгiзiлу тәртiбiн 2-баптан қараңыз), 2010.03.19 № 258-IV, 2011.01.06 №378-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

 

Өзін-өзі тексеру сұрақтары

1. Қазақстан Республикасының мемлекеттiк өсiмдiктер қорғау жүйесiн не құрайды?

2.Қазақстан Республикасы Үкiметiнiң өсiмдiктердi қорғау саласындағы құзыретi.

3. Уәкiлеттi органның құзыретi.

4. Қазақстан Республикасындағы мемлекеттiк бақылау және қадағалау жұмыстар тәртібі.

Әдебиет:

1. Нормативтік актілерінің жинағы WWW minagri. KZ сайтында.