Сiмдiктердi қорғау саласындағы қызметтi жүзеге асыратын мемлекеттiк ұйымдар 10-бап.

1. Өсiмдiктердi қорғау саласындағы қызметтi жүзеге асыратын мемлекеттiк ұйымдарды Қазақстан Республикасының Үкiметi қызметтiң мынадай түрлерiн:

1) зиянды және ерекше қауiптi зиянды организмдердiң фитосанитариялық мониторингiн;

1-1) фитосанитариялық болжамның жасалуын;

2) тiркеуге ұсынылатын пестицидтердi (улы химикаттарды) өндiрiстiк жағдайларда байқаудан өткiзу үшiн өндiру сынақтарын;

3) ауыл шаруашылық өнiмiнде пестицидтердiң (улы химикаттардың), нитраттардың, нитриттердiң және ауыр металдар тұздарының қалдық мөлшерiнiң бар-жоғын талдауды және сараптауды орындау мақсатында құрады.

2. Ерекше қауiптi зиянды организмдердiң фитосанитариялық мониторингi мемлекеттiк монополияға жатады.

3. Өсiмдiктердi қорғау саласындағы қызметтi жүзеге асыратын мемлекеттiк ұйымдар фитосанитариялық есепке алуды жүргiзедi және Қазақстан Республикасының заңдарында белгiленген тәртiппен уәкiлеттi органға есептiлiктi табыс етедi.

Ескерту. 10-бапқа өзгерiс енгiзiлдi – ҚР 2004.07.09 №584, 2009.07.17 №188-IV (қолданысқа енгiзiлу тәртiбiн 2-баптан қараңыз), 2009.07.17 №189-IV (қолданысқа енгiзiлу тәртiбiн 2-баптан қараңыз) Заңдарымен.

Өзін-өзі тексеру сұрақтары

1. Өсiмдiктердi қорғау жөнiндегi мемлекеттiк инспекторлардың құзыретi.

2. Өсiмдiктердi қорғау жөнiндегi мемлекеттiк инспекторлардың құқықтарын атаңыз.

3. Облыстардың (республикалық маңызы бар қаланың, астананың) жергiлiктi атқарушы органдарының өсiмдiктердi қорғау саласындағы құзыретi.

4. Өсiмдiктердi қорғау саласындағы қызметтi жүзеге асыратын мемлекеттiк ұйымдарды атаңыз.

5. Ерекше қауiптi зиянды организмдердiң фитосанитариялық мониторингi қайда жатады.

6. Өсiмдiктердi қорғау саласындағы қызметтi кімдер жүргізеді.

Әдебиет:

1. Нормативтік актілерінің жинағы WWW minagri. KZ сайтында.