Курс жұмысының тақырыбын таңдау және оның жоспарын құру
курс жұмысын орындау тақырыпты таңдаудан және тақырып бойынша жоспар құрудан басталады. Егер курс жұмысының тақырыбын таңдауға және оның жоспарын құруға студент неғұрлым жан-жақты дайындықпен келсе, курс жұмысының сапасы да соғұрлым жоғары болады. Себебі студенттердің творчестволық өз еркімен дұрыс таңдалған тақырып және сәтті құрылған жоспар курс жұмысының құрылымын, мазмұнын, оның бөлімдерінің логикалық байланысын айқындайды және курс жұмысының сапалы орындалуының кепілі. Сонымен қатар, жоспар студенттің тақырыпқа байланысты ғылыми әдебиеттер мен нақты ақпараттарды терең оқып, оның ең керектісін таңдай білуінің көрсеткіші болып табылады. Демек, жоспардың сапалылығының жұмыс сипатына тигізетін әсері мол. курс жұмысынның жоспары кіріспеден, тақырыптың мазмұнын айқындайтын екі-үш бөлімнен, екі-үш бөлімшелерден және қорытындыдан тұруы керек. Курс жұмысын жазу барысында ғылыми-әдістемелік кеңес беру мақсатында бір топ студенттерге ғылыми жетекші ретінде кафедрадан оқытушы бекітіледі. Ол курс жұмысының жоспарын құруға, керекті әдебиеттер мен нақты мәліметтер жинауға кеңес беріп, жұмыс жазуды бағыттап және бақылап отырады. Мысалы, «Қазақстан Республикасындағы инвестицияның мәні мен маңызы» деген тақырып бойынша жоспар құратын болсақ, оның үлгісі былай болмақ:
Кіріспе 1 Инвестиция түсінігі, оның мәні, құрылымы және маңызы 1.1..................................................................... 1.2..................................................................... 1.3..................................................................... 2 Қазақстан Республикасындағы инвестицияның қалыптасуы және дамуы 2.1..................................................................... 2.2..................................................................... 3 Қазақстан Республикасындағы инвестициялық жүйенің негізгі кезеңдері 3.1..................................................................... 3.2..................................................................... Қорытынды Қолданылған әдебиеттер тізімі
|
