Азақ АКСР-ң Қазақ КСР-і болып құрылуы.

1936ж.5 желтоқсанда КСРО-ның жаңа конституциясы қабылданып, онда Қазақ АКСР-і одақтас республикалардың бірі болып қайта құрылып, Қазақ КСР деп аталынсын делінді. (КСРО-ның алғашқы конституциясы 1924ж; ал ең соңғы конституциясы 1977ж. қабылданған).

1937ж. наурызда Қазақ КСР-ң алғашқы конституциясы қабылданды. (Қазақ КСР-ң ең соңғы конституциясы 1978ж. бүкіл халықтық талқылауға ұсынылып қабылданған еді). 1937ж. Қазақ КСР-ң Конституциясы бойынша

Қазақ КСР-ң саяси негізгі еңбекшілер депутаттарының кеңестері болса, экономикалық негізі социалистік шаруашылық жүйесі болған. КСРО кезінде жергілікті жергілікті өкімет билігі еңбекші депутаттарының жергілікті кеңестері атқару комитеттерінің қолында болған. КСРО кезіндегі барлық одақтас республикалардың ақша бірлігі сом болды.

1937 ж. КСРО Жоғарғы кеңесіне сайлау болып, оған Қазақ КСР-нен 44 депутат сайланды. Олардың арасында әйгілі шахтер Т.Күзембаев, мұнайшы С.Зұрбаев, паравоз машинисі Л.Березняк, комбайыншы И.Логвиненко, сауыншы С.Оңғарбаева т.б. болды.

1938ж. Қазақ КСР-ң Жоғарғы кеңесіне де сайлау өтіп, оған барлығы 300 депутат сайланды. Оның 60-ы әйел болса, 152-сі қазақ ұлтының өкілдері еді. 1938ж. 15 шілдеде Қазақ КСР Жоғары кеңесінің 1-ші сессиясын халық ақыны Ж.Жабаев ашты. 1947ж. Қазақ КСР-і Жоғары кеңесіне екінші сайлау өтіп, оған 300 депутат сайланды. Ал үшінші сайланған Қазақ КСР-і Жоғары кеңесінің құрамында 400 депутат болса, 1955ж. төртінші сайланған Қазақ КСР-і Жоғары кеңесінің құрамында 450 депутат болған.

Еңбекшілердің әлеуметтік-тұрмыстық жағдайын жақсарту мәселелерімен кәсіподақ ұйымы айналысты. 1940ж. Қазақстан кәсіпшілер одағына 1млн. астам еңбекшілер мүше болды. Қазақстан кәсіподақтарының республикалық 1-ші конференциясы 1948ж. өтті.