Азақ тілі сабағында қолданылатын көрнекі құралдар мен дидактикалық материалдар.

Мұғалімнің оқыту процесіндегі міндеті- балалардың анық есітіп, қабылдауы мен сөйлеу қабілетін дамыту.Бұл үшін көрнекіліктердің алатын орны зор. Көрнекі құралдарды пайдалану- арқылы балалар өздері сөйлейді, жолдастарының сөйлегенін есітіп, қабылдайды. Сабақтарында көрнекілікке қойылатын талап- оқушы және сөзді немесе оның бөлшектерін анық көретін болуға тиіс, бірақ жазғанда бір әріптен соң екінші әріпті қарап, ежелеп жазбай, естерінде тұтас сөз немесе буынды сақтап, сөзді немесе буынды бірден жазып дағдылануы керек. Әдетте көрнекілік деп- графикалық немесе кзге көрінетін құралдарды қолдануды айтады. Мұнда қажетті әріптер немесе тұлғалар, сөздер, сөйлемдер басқа түспен жазылады.

Мұғалімдер көрнекі құралдарды өздері жасағанда мынадай талаптарды ескеруге тиіс:

- Сызбаларда грамматикалық материал шамадан тыс көп берілмеуі керек;

- Оқулықтарда бар ережелер мен анықтамаларды, сондай- ақ мәтіндерді сызбаларда берудің қажеті жоқ;

- Сызбаларда қажетті тұлғада берілген сөздерден басқа, іріктеп, алынған мысалдар беруге болады.

- Сызбаның көмегімен үйретілетін сөз, буын, морфема, әріп, сызбада бөлініп, ұқсастықтары немесе ерекшеліктері басқа бір элементпен салыстырыла көрсетілуге тиіс.

- Оқылып отырған грамматикалық немесе орфографиялық құбылыс сызба мазмұнынында тасада қалып қоймау жағына баса назар аударған жөн.

- Әріптерді, буындарды, морфемалар мен сөздерді графикалық жағынан бөліп көрсетудің көптеген тәсілдерін қолдана беруге болады. Мысалы: сөз құрамын дефиспен бөлу, астын сызу, басқа түспен, басқа шрифтімен көрсету.

Көрнекі құралдарға магнитафон, грампластинка, оқу фильмдері, диафильмдер де жатады. Оқушылар пластинкаларға жазылғандарды зейін қоя тыңдап мұғалімнің басшылығымен қайталап айтады, жазады, тыныс белгілерін қояды, талдайды. Қосымша құралдар ретінде дидактикалық материалдар да пайдаланылады. Оның ішінде әсіресе, түрлі буындар, сөздер, сөйлемдер жазылған корточкалар, конверттер көп қолданылады.