Шағын жинақталған мектептерге арналған оқу – әдістемелік жұмыстарға сипаттама.

Оқыту құралдары- оқытудың біртұтас әдістемелік жүйесінің бір компоненті . Шжм – де оқу тәрбие ісінде уақытты дұрыс пайдалана білуге зор назар аударылады. Демек , уақытты дұрыс пайдалану үшін мұғалім күні бұрын орындалатын жұмыстардың мысалдары мен сұрақтарын орфографиялық жаттығулардың үлгілерін , мазмұндама, шығарма жоспарын қазақ тілі , дүниетану , еңбек сабағына байланысты кесте, түрлі – түсті суреттерді дайындап алу керек. Уақытты дұрыс пайдалану оқушылардың да сабаққа деген ынтасын , қабілетьін арттырады. Балалар бірден жұмыс істеу үшін бір сыныпқа 5-10 мин шамасындай тапсырма беріледі. Мұғалім жаңа сабақты қысқа тұжырымды баяндап, сабақ көрнекілігін қолданумен қатар тақта және қосымша дидактикалық материалдарды пайдаланып түсіндіреді. Мұғалім екі және үшінші сыныпта грамматиканы үйретудің алғашқы күндерінде ақ орфографиялық режимді сақтауға, дұрыс оқи және жаза білуге дағдыландыру керек. Сондай- ақ орфографияны үйрету барысында сөздің мағынасын түсіну, сөйлемде оны дұрыс жазу, оқылған мәтінді түсіну, ауызша және жазбаша тіл дамыту үшін мәтіннен сөздерді таба білуге , әрі сөйлей білуге үйрету жаттығу жұмыстарын түрлендіріп отыру қажет. Өздігімен оқумен байланысты тапсырмаларға да мақсат қоюларға тиіс. Оқушының мәтінді ойланып оқуға бейімделу жағы қарастырылады. Яғни оқылған мәтінге сұрақ қою, сұраулы сөйлемді оқыса, мәтіннен сұраулы сөйлемнен келетін сөйлемдерді тапқызу, қаратпа сөзбен келтін сөйлемдерді теріп жаздыру. Өткен ережеге байланысты мысалдар таптыру т.б. жұмыстарды орындату пайдалы . Шжм – дегі мұғалімнің оқу әдістемелік жұмыстарындағы негізгі мәселе сабақ кестесін дұрыс жасау, сабақ жоспарын жан – жақты ойластыра отырып құрасытыру оқушының өздігінен орындайтын жұмыстарын шебер ұйымдастыру, сонымен қатар әр сыныптағы сабақ уақытын орынды пайдалану.