УВОДЗІНЫ. Ну, кажется, еще не все поняли, что я пишу сиквелл

Ну, кажется, еще не все поняли, что я пишу сиквелл. Это не самореклама, нет, просто я хочу, чтобы эту работу все прочитали. Она очень важна, я бы сказала, важнее этой. В общем, на ваш суд, даю ссылку: http://ficbook.net/readfic/1626894

xoxofrnc

Не забудьте оставить свой отзыв: http://ficbook.net/readfic/1455801

ЗМЕСТ

Рэферат……………………………………………………………………...3

 

Уводзіны……………………………………………………………………4

 

1 Літаратурны герой: паняцце тыпалогія, адметнасці стварэння……….7

 

2 Вобраз інтэлігента ў творчасці Шамякіна 90 гадоў 20 стагоддзя…13

 

3 “Герой учарашняга дня”……………………………………………….20

 

4 “Новы чалавек”………………………………………………………...24

 

5 Вобраз жанчыны ў творчасці Шамякіна 90 гадоў 20 стагоддзя…...32

 

Заключэнне………………………………………………………………..37

 

Спіс выкарыстаных крыніц……………………………………………38

 

 

РЭФЕРАТ

Курсавая работа мае 38 старонак, 23 крыніц.

Ключавыя словы:вобраз, герой, персанаж, празаік, праблемнасць, эмацыянальнасць, псіхалагізм.

Аб’ект даследавання:проза І. Шамякіна 90 гадоў 20 стагоддзя

Метады даследавання:культурна-гістарычны, апісальны

Мэта даследавання:вызначыць спецыфіку стварэння вобраза сучасніка ў творах І. Шамякіна 90 гадоў 20 ст.

Задачамі курсавой работы з’яўляюцца: выявіць спецыфіку адлюстравання вобраза сучасніка ў прозе І. Шамякіна 90 гадоў 20 стагоддзя; адзначыць празаічнае майстэрства аўтара; ахарактарызаваць прозу І. Шамякіна 90 гадоў; раскрыць вобраз інтэлігента; высветліць вобраз жанчыны ў творчасці Шамякіна 90 гадоў.

Асноўныя вывады:узбагаціў мастацка-выяўленчыя магчымасці беларускай прозы, накіраваўшы асноўную сілу свайго таленту на даследаванне сучаснасці; паспрыяў на далейшую распрацоўку сучаснай мовы; падняў агульную культуру; узбагаціў скарбніцу беларускай прозы; паглыбіў беларускую гуманістычную прозу.

Практычнае значэнне:матэрыял курсавой работы можа быць выкарыстаны пры вывучэнні творчасці І. Шамякіна ў школе, падрыхтоўцы дыпломных работ, рэфератаў, дакладаў і г. д.

 

УВОДЗІНЫ

“Калі не жыць сучаснасцю - нельга пісаць”.

А. Блок

Іван Шамякін з’яўляецца адным з самых выдатных і вядомых беларускіх празаікаў, якія належыць да ліку тых пісьменнікаў, што адлюстроўваюць пераважна бягучы дзень сучаснага жыцця. Ён заўсёды ідзе насустрач бурным праявам сучаснай рэчаіснасці, яе не астылым ячшэ канфліктам, узвіхураным сутыкненням і барацьбе. “Яго творчасць - дакладнае люстэрка бягучай плыні чалавечага быцця, дзе так шмат значаць воля чалавека, яго імкненні, талент і працаздольнасць” [1, с. 6]. Героі І. Шамякіна – людзі блізкія і зразумелыя чытачу, бо яны яго сучаснікі і жывуць тымі ж інтарэсамі, пакутуюць ад тых жа дум і страсцей, песцячы ў душы тыя ж мары і надзеі, што і ён, рэальны, жывы чалавек сенняшняга дня. Пісаць жа пра дзень сённяшні, яго праблемы вельмі цяжка. Зразумела, калі пісаць па-мастацку глыбока і пранікліва. Калісьці выдатны рускі пісьменнік Міхаіл Прышвін разважаў пра адчуванне сучаснасці так: “ Сучаснасць для нас, як я разумею, - гэта штосьці накшталт суда ці праверкі кожнага з нас на жывога чалавека…[2, с. 346]. І. Шамякін асэнсоўвае праблемы часу, чалавечага жыцця, лёс чалавечнасці і будучыні грамадства, кажучы зноў жа словамі М. Прышвіна, ”з глыбіні свайго дня” [2, с. 302]. Сучаснасць - гэта працяг мінулага. Вось чаму літаратура, задавальняецца толькі імгненым “здымкам” убачанага ў сённяшні дзень, не можа карыстацца вялікай і глыбокай папулярнасцю. Жыцёвы факт ці падзея, пададзеныя без каранёў і прычын узнікнення, застаюцца па-сапраўднаму не асэнсаванымі, аткрываючы толькі паверхневы пласт жыцця. Сучаснасць не можа цалкам выявіць свой сэнс, стаць зразумелай да канца, калі яна адарвана ад мінулага, ад сваёй гісторыі, ці гэта будзе лёс асобнага чалавека, ці лёс усяго яго народа. Спалученне сучаснага і мінулага ў творах І. Шамякіна якраз і з’яўляецца ў першую чаргу адзнакай глыбокага імкнення пісьменніка да сацыяльнага, гістарычна праўдзівага аналізу грамадскіх працэсаў і характараў сваіх герояў. Героі твораў І. Шамякіна не маюць у сваім характары рыс выключнасці, якія нашмат узвышалі б іх над іншымі людзьмі. З імі здараецца ўсё тое, што можа здарыцца з кожным чалавекам. Іх унутраны свет, думкі, пачуцці не маюць адзнак паказной вышэйшасці, што вельмі імпануе радавому чытачу, пашырае папулярнасць твораў пісьменніка. Але звычайнае ў ідэйна-мастацкай канцэпцыі пісьменніка ніколі не азначае маральнай і духоўнай непатрабавальнасці. І. Шамякін прымае і паэтызуе будзённасць жыцця толькі да пэўнай мяжы, пакуль у ёй не страцілася патэнцыя да развіцця, пакуль яна ўтрымлівае прыгажосць свету. Звычайнае, зямное ў творчасці І. Шамякіна не супярэчыць таксама гераічнаму і ўзнёсламу. Гераічнае не толькі суседнічае з будзённым, але і вырастае часта з яго. Штодзённае не з’яўляецца таксама і сферай негераічнай. Яго гераічнае ў патэнцыі, і патрэбна толькі адпаведная сітуацыя, каб гераізм гэты ўспыхнуў. Жыццёвая і эстэтычная канцэпцыя гераічнага ў творчасці І. Шамякіна грунтуецца на перакананні, што ў жыцці заўсёды ёсць месца подзвігам. Паказ звычайных герояў у звычайных абставінах не прыводзіць Шамякіна да зніжэння маральных і эстэтычных ідэалаў. Гэтыя ідэалы застаюцца высокімі. Яны выпрацоўваюцца людзьмі ў будзённых справах кожнага дня. А з асобных дзён складаюцца час, эпоха і вечнасць. І абвостраная канфліктнасць і вытрыманая творчая ўвага да будзённага і звычайнага, паказ жыцця ў яго натуральнай плыні, і блізкасць да масавага чытача – ўсё гэта не вынік нейкай загадзя разлічанай устаноўкі, а вернасць праўдзе жыцця. М. Лынькоў пісаў пра творчасць І.Шамякіна: ”Такой працаздольнасці, такой адданасці працы, любві да яе, майстэрству трапнай кампазіцыі, займальнасці (займальнасці ў лепшым сэнсе гэтага слова) можна толькі шчыра пазайздросціць і пажадаць такіх якасцей кожнаму нашаму пісьменніку. Тым больш, што ўсё з напісанага… - не скараспелкі, не аднадзёнкі. Гэта сур’ёзныя творы, якія з’явіліся ў выніку грунтоўнага вывучэння жыцця, яго глыбінных працэсаў, іменна тых глыбокіх плыняў, тых кіпучых і светлых крыніц, у якіх пульсуе, выкрышталізоўваецца наша сучаснасць. Іван Шамякін арганічна звязаны з жыццём народа, з яго інтарэсамі і запатрабаваннямі ” [3, с. 24 ]. Творчая манера І. Шамякіна эпічна спакойна, традыцыйная. Пісьменнік прызнаваўся: ” Калі гаварыць пра сябе, то ў перыяд творчай маладосці найбольшы ўплыў на мяне зрабілі Чэхаў і Горкі. З сучасных пісьменнікаў люблю ўсіх добрых “традыцыйных”, а з “наватараў” тых, хто эксперыментуе ў галіне формы не дзеля формы, а шукае новыя сучасныя сродкі выяўлення. Не люблю эпігонства, работы на моду”…[4, с. 56].

Папулярнасць твораў І. Шамякіна абумоўлена ў многім неардынарнасцю характару ягонага героя - сапраўднага грамадзяніна, сацыяльна актыўнага, няўрымслівага. Чалавек з чыстым сумленнем, ён па-байцоўску адстойвае свае перакананні ў адкрытым паядынку з прыстасаванцамі, кар'ерыстамі, здраднікамі ва ўмовах вайны і міру, на рабочым месцы і за бяседным сталом - не толькі з прадстаўнікамі варожага лагера, але і з калегамі, сябрамі, сваякамі. Сёння на расквечаным рэкламай фоне так званай "масавай культуры", з яе прапагандай гвалту, спажывецкага эгаізму, свабоды ад спрадвечных "аджыўшых" канонаў маралі, альтэрнатыўна вылучаюцца адметныя, выразныя постаці герояў І. Шамякіна: салдата, настаўніка Шапятовіча, вучонага Антанюка, доктара Яраша, архітэктара Карнача, скульптара Жыгуновіча і інш. Чым далей, тым больш відавочнай становіцца сацыяльна-педагагічная запатрабаванасць станоўчага прыкладу ў жыцці і літаратуры. Пісьменнік не ідэалізуе свайго героя, як не ідэалізуе цалкам мінулага. Рэальна суадносячы яго святло і цені, ён садзейнічаў сваімі творамі расхістванню партыйна-бюракратычнай застойнай сістэмы, грамадскаму абнаўленню. Аднак І. Шамякін ніколі не закрэсліваў мінулага, набыткаў гістарычнай спадчыны, рупліва назапашаных папярэднікамі.

Пра даследаванне творчасці пісьменніка сведчаць шматлікія навуковыя канферэнцыі, выданні шматлікіх манаграфій і артыкулаў (Дз. Бугаёва, М. Тычыны, В. Локун, Т. Шамякінай, С. Андраюка, І. Шаўляковай, Г. Давыдавай, С. Майхровіч і інш.).

Такім чынам, творчасць Івана Шамякіна не страчвае сваёй актуальнасці. З развіццём мастацкай, навуковай, грамадскай свядомасці, гэта актуальнасць толькі ўзрастае.

Урэшце, мы маем асэнсоўваць наватарскі характар творчасці пісьменніка, разглядаць творчасць класіка Беларусі ў кантэксце развіцця еўрапейскай думкі.

Мэта даследавання: вызначыць спецыфіку стварэння вобраза сучасніка ў творах Івана Шамякіна 90 гадоў 20 стагоддзя.

Метады даследавання: культурна-гістарычны, апісальны.

Задачы: выявіць спецыфіку адлюстравання вобраза сучасніка ў прозе І. Шамякіна 90 гадоў 20 стагоддзя; адзначыць празаічнае майстэрства аўтара; ахарактарызаваць прозу І. Шамякіна 90 гадоў; раскрыць вобраз інтэлігента; высветліць вобраз жанчыны ў творчасці Шамякіна 90 гадоў.

Стан распрацоўкі: абраная тэма вывучана недастаткова і патрабуе далейшага вывучэння.

Для напісання курсавой работы я карысталася творамі Івана Шамякіна 90 гадоў, а таксама артыкуламі і манаграфіямі такіх аўтараў, як А. Бельскі, С. Майхровіч, В. Яцухна, М. Мікуліч.