Инвестицияларды мемлекеттік материалдық қолдау: мақсаты, түрлері, тәртібі және ұсыну шарттары

Инвестицияларды мемлекеттік қолдаудың мақсаты экономиканы дамыту және заманауи технологияларды қолданумен жаңаларын құру, әрекеттегі өндірісті кеңейту және жаңартуда инвестицияларды ынталандыру, жаңа жұмыс орындарын құру мен барын сақтап қалу, сонымен қатар қоршаған ортаны қорғау үшін жағымды инвестициялық ахулды қалыптастыру.

Инвестицияларды мемлекеттік материалдық қолдау инвестициялық преференциялар ұсынуға негізделеді.

Инвестициялық преференциялар – бұл ирнвестициялық жобаны жүзеге асырумен айналысатын Қазақстан Республикасы заңды тұлғаларына Қазақстан республикасы заңнамасына сәйкес ұсынылатын атаулы сипаттағы артықшылықтар.

Инвестицияларды мемлекеттік қолдау Қазақстан Республикасы Үкіметімен анықталатын құзіретті органмен жүзеге асырылады.

«Инвестициялар туралы» Қазақстан Республикасы Заңына сәйкес құзіретті органмен келісім шарт жасау арқылы келесі инвестициялық преференциялар ұсынылады:

1) инвестициялық салықтық преференциялар;

2) кедендік төлемдерден босатылу;

3) мемлекеттік заттай гранттар.

Инвестициялық преференциялар қызмет түрлерінің классификаторы деңгейінде Қазақстан Республикасы Үкіметімен бекітілетін тізім негізінде қызметтің басымды түрлеріне ұсынылады.

Инвестициялық преференциялар инвестормен келісім-шарт жасау жолымен беріледі.

Инвестициялық преференциялар келесі шарттармен ұсынылады:

1) қарастырылып отырған инвестициялық қызметтің қызметтің басымды түрлерінің тізіміне сәйкес келуі;

2) заманауи технологияларды қолданумен әрекеттегі өндірісті кеңейту және жаңарту, жаңа өндірістерді құру үшін Қазақстан Республикасы заңды тұлғаларының бекітілген активтеріне инвестицияларды жүзеге асыру;

3) инвестициялық жобаны жүзеге асыру үшін инвестордың қаржылық, техникалық және ұйымдастырушылық мүмкіндіктерінің болуын растайтын қажетті құжаттарды ұсыну;

Инвестициялық салықтық преференциялар бекітілген активтерге инвестициялар көлеміне байланысты, бірақ бес жылдан жоғары емес мерзімге ұсынылады.

Инвестициялық салықтық преференциялар корпоративті табыс салығы, жер салығы және мүлік салығы бойынша ұсынылады.

Инвестициялық салықтық преференциялар – бұл әрекеттегі өндірісті кеңейту және жаңарту, жаңа өндірістерді құру мақсатындағы инвестициялық жобаларды жүзеге асыратын салық төлеуші - заңды тұлғалардың жылдық жиынтық табысынан қосымша шегерімдер жасау құқығын ұсыну, аталмыш салы төлеушілерді әрекеттегі өндірісті кеңейту және жаңарту, жаңа өндірістерді құру мақсатындағы инвестициялық жоба шеңберіндегі эксплуатацияға қайта енгізілген бекітілген активтер бойынша мүлік салығын төлеуден босату, сонымен қатар инвестициялық жобна жүзеге асыру үшін алынған және қолданылатын жер телімдері бойынша жер салығын төлеуден босату.

Кедендік баждар төлеуден босату инвестициялық жобаны жүзеге асыру үшін әкелінетін жабдықтар мен оған қосалқы бөлшектер импорты кезінде келесі жағдайларда ұсынылады:

1) Қазақстан Республикасы аумағында аталмыш жабдықтар мен оған қосалқы бөлшектер өндірісі болмаған жағдайда;

2) Инвестициялық жобаға сәйкес қызметті жүзеге асыру үшін аталмыш жабдықтар мен қосалқы бөлшектердің Қазақстан Республикасы аумағында жеткіліксіз өндірісі;

3) Қазақстан Республикасында өндірілетін аталмыш жабдықтар мен оған қосалқы бөлшектердің аталмыш жоба шеңберінде қойылатын талаптарға сәйкес келмеуі.

Кедендік баждарды төлеуден босату 1 жылға дейінгі мерзімге және келісім-шарт тіркелген уақыттан бастап бес жылдан жоғары емес уақытқа ұзарту мүмкіндігімен ұсынылады.

Кедендік баждарды төлеуден босату және мерзімдерін ұзарту бойынша шешімді құзіретті орган қабылдайды.

Мемлекеттік заттай гранттар – бұл Қазақстан Республикасының меншігі болып табылатын, инвестициялық жобаны жүзеге асыру үшін Қазақстан Республикасы заңды тұлғасының меншігіне немесе пайдалануына қайтарымсыз ұсынылатын мүлік.

Мемлекеттік заттай гранттар «Инвестициялар туралы» ҚР Заңымен белгіленген тәртіпте Қазақстан Республикасы Үкіметімен немесе құзіретті органмен мемлекеттік мүлікті және жер ресурстарын басқару саласындағы сәйкес мемлекеттік органмен келісім бойынша Қазақстан Республикасы заңнамасына сәйкес жеке меншікке не жерді пайдалануға ұсынылады.

Мемлекеттік заттай грантты ұсынуды келісу тапсырыс берілген уақыттан бастап он бес жұмыс күні ішінде жүзеге асырылады.

Мемлекеттік заттай гранттар ретінде келесілер ұсынылуы мүмкін: жер телімдері, ғимараттар, құрылыстар, машиналар мен жабдықтар, есептеу техникалары, өлшегіш және реттегіш құралдар мен құрылғылар, көлік құралдары (жеңіл автокөлікті қоспағанда), өндірістік және шаруашылық инвентарлар.

Мемлекеттік заттай гранттарды бағалау Қазақстан Республикасы заңнамасында белгіленген тәртіпте олардың нарықтық құны бойынша жүзеге асырылады.

Мемлекеттік заттай гранттың максималды көлемі Қазақстан Республикасы заңды тұлғасының бекітілген активтеріне салынатын инвестициялар көлемінің 30 пайыздан артық емес көлемін құрайды.

Егер сұрау жасатылған мемлекеттік заттай гранттың бағалау құны көрсетілген максималды көлемінен асса, Қазақстан Республикасы заңды тұлғасының сұрау жасатылған мүлікті оның бағалау құны мен мемлекеттік заттай гранттың максималды көлемінің арасындағы айырмашылықты төлеу жолымен алуына құқығы бар.