Приложение 25

Примерный план-конспект урока белорусского языка
(составитель О.И. Свириденко)

Клас: 2

Тэма: Беларускі алфавіт

Мэты:

1. Пазнаёміць з беларускім алфавітам, з роляй яго ў жыцці людзей.
2. Засяродзіць увагу вучняў на літарах, якіх няма ў рускім алфавіце, на літарах, якія па-рознаму называюцца ў рускай і беларускай мовах.
3. Вучыць размяшчаць словы ў алфавітным парадку.
4. Узбагачаць слоўнікавы запас вучняў словамі лексіка-семантычнай групы «школьныя прылады».
5. Развіваць мысленне, памяць.
6. Выхоўваць акуратнасць, жаданне дапамагаць бацькам.

План урока

1. Праверка дамашняга задання
2. Новы матэрыял
3. Замацаванне
4. Дамашняе заданне
5. Вынік урока

Ход урока

Праверка дамашняга задання.

О.І. Свірыдзенка / Беларуская мова. 2 клас (практ. 97). У якіх з выдзеленых слоў гукаў больш, чым літар? Чаму? Прачытайце словы, у якіх падкрэслілі літару. Што гэта за літара? Колькі ў гэтых словах гукаў? Літар?

Новы матэрыял

1. Паслухайце верш:

Той, хто любіць азбуку

змалку без прынукі,

адкрывае шлях сабе

да любой навукі (А. Вольскі).

Як азбука дапамагае чалавеку вучыцца? Як вы думаеце, пра што пойдзе размова сёння на ўроку?

На дошцы прымацаваны карткі з літарамі а ф л а в і т.

Складзіце слова з рассыпаных літар і адкажыце, як па-іншаму называецца азбука. (Настаўнік паведамляе дзецям пра паходжанне слоў азбука і алфавіт. Слова азбука складаецца з назваў першых літар славянскага алфавіта азъ(а) і боукы (б), а слова алфавіт – з назваў першых літар грэчаскага алфавіта α (альфа) і β(бэта)).

2. Практ. 98. Алфавітам, або азбукай, называюцца ўсе літары мовы, размешчаныя ў пэўным парадку. Прачытайце назвы літар беларускага алфавіта на форзацы падручніка. Палічыце іх колькасць. Назавіце літары, якіх няма ў рускім алфавіце. Якія літары па-рознаму называюцца ў рускай і беларускай мовах?

Назавіце «суседзяў» літары ў алфавіце ( б, і, о, ў, ц, ы). Назавіце літару, якая стаіць паміж д і ё, у і ф, ц і ш. Прыдумайце падобную загадку пра якую-небудзь літару алфавіта і загадайце яе суседу па парце.

3. Разгледзьце малюнкі. Для чаго чалавеку трэба добра ведаць алфавіт? Звярніце ў вагу на тое, што трэба гаварыць у алфавітным парадку.

Назавіце іншыя сітуацыі, у якіх чалавек карыстаецца алфавітам.

Замацаванне

1. Практ. 99. Пастаўце літары ў алфавітным парадку. Дапоўніце дзвюма наступнымі літарамі. Запішыце.

2. На дошцы запісаны словы і намаляваны красворд:

дзённік, буквар, закладка, клей, кардон

								р	а	н	е	ц
						1.
	2.
						4.
							5.

– Размясціце словы ў алфавітным парадку. Упішыце паслядоўна словы ў красворд. Пры размяшчэнні па алфавіце слоў, якія пачынаюцца з адной і той жа літары, звяртаецца ўвага на другую літару ў слове і на яе месца ў алфавіце.

Як яшчэ называецца сумка, з якой ходзяць у школу? Рукзак – слоўнікавае слова. Напісанне яго трэба запомніць (дзеці запісваюць слова ў сшыткі). Якім па памеры можа быць рукзак? Як яшчэ можна назваць маленькі рукзак?

3. Практ. 100. Дапоўніце сказ назвамі школьных прылад. Упішыце іх у алфавітным парадку.

4. Практ. 101. Прачытайце назву верша. Як вы думаеце, пра каго пойдзе ў ім размова? Паслухайце верш (чытанне твора настаўнікам). Чаму Ганулю можна назваць мамінай памочніцай? Выпішыце з тэксту ў алфавітным парадку назвы школьных прылад.

5. На дошцы прымацаваны карткі са словамі:

Гуля́ючы, не, розуму, прыдба́еш.

– Прачытайце словы. Ці ўсе яны вам зразумелыя? (Настаўнік тлумачыць дзецям значэнне слова прыдбаць (набыць, рус. приобрести).) Размясціце словы ў алфавітным парадку. Якая прыказка атрымалася? Што трэба рабіць, каб стаць разумным?

Дамашняе заданне.

Практ. 102. Вывучыць алфавіт на памяць.

5. Вынік урока.

Што такое алфавіт? Для чаго чалавеку трэба добра ведаць алфавіт? Назавіце літары, якіх няма ў рускім алфавіце.

 

Приложение 26

Примерный план-конспект урока литературного чтения

Тэма: Рыгор Ігнаценка «Пасадзіце рабінку»

Мэты

1. Пазнаёміць з новым творам Р. Ігнаценкі «Пасадзіце рабінку"».

2. Выпрацоўваць навык правільнага, беглага, выразнага чытання.

3. Развіваць увагу, назіральнасць, фантазію.

4. Выхоўваць любоў да прыгажосці беларускай зямлі.

Абсталяванне:дошка, падручнік па літаратурным чытанні для 3 класа, карткі з прыказкамі, памятка з правіламі выразнага чытання.

План урока

1. Арганізацыйны этап

2. Праверка дамашняга задання

3. Знаёмства з новым творам

4. Складанне плана апавядання

5. Падрыхтоўка пераказу

6. Пераказ тэксту па частках

7. Заключная гутарка па творы

8. Дамашняе заданне

9. Вынікі урока

10. Рэфлексія