Жазбаша тест сұрақтары. ІІ нұсқа

1. Жинақтық сан есімдерді тауып, сөйлем құрастыр.

а) үш-үштен б) бесеу, алтау г) жүзге тарта

ә) жиырма бес в) қырық-елудей

 

2. Сөйлемде толықтауыш қызметінде тұрған сан есімді көрсет.

а) Екі достың бірі ыңғайлы, біреуінің ебі жоқ.

ә) Атадан – алтау, анадан – төртеу, жалғыздық көрер жерім жоқ.

б) Алтау ала болса, ауыздағы кетеді.

в) Білекті бірді жығады, білімді мыңды жығады.

г) Бір құмалақ бір қарын майды шірітеді.

 

3. Қазақ тілі морфологиясы нені зерттейді?

а) тіл дыбыстарын; в) сөз мағынасын;

ә) сөз таптары, олардың түрлері мен түрленуін; г) жергілікті тілдік ерекшеліктерді.

б) сөйлем, оның түрлерін;

 

4. Жатыс септік тұлғасындағы сөзбен келетін мақалды жаз.

 

5. Тәуелдік жалғау етістіктің қандай райына жалғанады?

а) бұйрық рай б) ашық рай

ә) қалау рай в) шартты рай

 

6. Қазақ тілінде неше сөз табы бар?

а) 10 ә) 8 б) 11 в) 6 г) 9

 

7. Сапалық сын есімдермен (кең, сұлу, қызыл) сөйлем құрастыр.

 

8. Болжалдық сан есім тудыратын жқрнақтарды көрсет.

а) -ыншы, -інші, -ншы, -нші б) -дан, -ден, -тан, -тен г) -ын, -ін, -н

ә) -ау, -еу, -нан, -нен в) -дай, -дей, -тай, -тей, -даған

 

9. Есімдік мағынасына қарай нешеге бөлінеді?

а) 8 ә) 7 б) 9 в) 6 г) 10

 

10. Есімше формалы тіркестердің қатарын көрсет.

а) жазғы бақ, көтеріңкі көңіл б) жазатын сөз, барып келді г) жазып тұр, айтып еді

ә) тыңдар құлақ, тілейтін адам в) сөйлей отыр, көргелі келді

 

11. Одағайдың неше түрі бар?

а) 4 ә) 5 б) 2 в) 6 г) 3

 

12. Сөз бен сөзді, сөйлем мен сөйлемді байланыстыратындар

а) жалғаулар; ә) демеуліктер; б) екпін; в) септеуліктер; г) жалғаулықтар

 

13. Сын-бейне үстеулердің қатарын көрсет.

а) сонша, мұнша, бірталай б) кеше, бүгін, қазір, түгел г) күздей, әдейі, жорта

ә) әрі, бері, артқа, ілгері в) әрең, дереу, шапшаң

 

14. Ырықсыз етіс жұрнағы жалғанып тұрған сөзді табыңыз.

а) тарандық ә) жайылымды б) ойланды в) жиналды г) сөйледі

 

15. Адам не хайуанатқа бағышталып айтылатын шақыру, жекіру, тыйым салу, бұйыру мақсатымен қолданылатын сөздер қай топқа жатады?

а) еліктеу сөздер ә) үстеу б) одағай в) шылау г) зат есім

 

16. Көсемше атауын қазақ тіл біліміне кім енгізген

а) Н.Оралбаева б) А.Ысқақов г) К.Аханов

ә) Н.Сауранбаев в) А.Байтұрсынұлы

 

17. Тек бір ғана түбірден тарайтын есімдіктің мағыналық түрі

а) сілтеу ә) сұрау б) белгісіздік в) жалпылау г) өздік

 

18. Ғалым А.Ысқақов қай жұрнақты –ғанша жұрнағының болымсыз түрі деп таниды?

а) –майынша, -мейінше в) –ғалы, -гелі, -қалы, -келі

ә) –ып, -іп, -п г) –атын, -етін, -йтын

б) –а, -е, -й

 

19. Грамматикалық мағына мен грамматикалық форманың жүйелі жиынтығы

а) грамматикалық тәсіл б) грамматикалық топ г) сөз табы

ә) грамматикалық амал в) грамматикалық категория

 

20. Қатыстық сын есімді сөйлемді көрсет.

а) Үлкен көкшіл көзі мөлдіреп күлімдеп тұр.

ә) Сарғылт мұнай заводты көрсетпейді.

б) Қарабай Құнанбайға аса бір салқын зілмен сөйледі.

в) Көл көкпеңбек болып жалтырап жатыр.

г) Хасен қапсағай, ашаң, сіңір денелі, көселеу, сұр жігіт.

21. Есім сөздерден сын есім тудыратын жұрнақтар:

а) –лық, -лік, -ынды, -інді в) –дық, -дік, -тық, -тік, -лы, -лі

ә) –қыш, -кіш, -ғыш, -гіш г) –са, -се, -ша, -ше

б) –шақ, -шек, -ша, -ше

22. Күшейтпелі шырай бар мысалды /сөйлемді/ тап:

а) Байлауы жоқ шешеннен үндемеген есті артық, бәйге алмаған жүйріктен белі жуан бесті артық /М/.

ә) Сүйкімді менен артық жан табылар /А/.

б) Бұдан артық қараңғы бұрышты қой қорадан ғана табарсың /Мұст/.

в) Жеңеше-ау, көзің тіп-тік сөзің артық.

г) Қазақтардың ежелгі түсінігінде жан-жануарлар киелі болып саналған.

23. Күшейтпелі шырай қатысқан сөйлемді көрсет:

а) Сүйкімді менен артық жан табылар

ә) Үлкен өткір қоңырқай көздері ерекше ажарлы

б) Үй іші жап-жарық, ауыз үй тап-таза айнадай

в) Бұл ат – аттың жүйрігі

г) Шаруаның бір пірі – Жылқышы ата! Тілегенде өзің бер ақтан бата...

 

24. Сан есімдер іштей мағыналық және морфологиялық өзіндік ерекшелігіне сәйкес неше топқа бөлінеді?

а) 4 в) 6

ә) 3 г) 5

б) 7

25. Дара есептік сан есімдерді тап.

а) он, жиырма, отыз в) мың бір жүз елу

ә) бір, жиырма үш, үш жүз г) он шақты, он мыңдай

б) отыз, қырық төрт

 

Кафедра мәжілісінде қарастырылды және бекітілді.

№3 хаттама, 11 қараша, 2014 ж.

Қазақ филологиясы кафедрасының меңгерушісі З.Ж.Мүтиев

 

 

Филология факультетінің Оқу-әдістемелік Кеңесінде қарастырылды және бекітілді.

№3 хаттама, 12 қараша, 2014 ж.

Факультеттің ОӘК төрағасы А.А.Раманова