Бағдарлама. 2.1 Кіріспе:Жатыр мойнының және жатыр денесінің астарлас және обыралды ауруларының жиілігі айтарлықтай жоғары

2.1 Кіріспе:Жатыр мойнының және жатыр денесінің астарлас және обыралды ауруларының жиілігі айтарлықтай жоғары және уақыт өткен сайын азаятын емес, бұл аурулар жас әйелдердің арасында да таралып жатыр және олардың ұрпақ өрбіту денсаулыына әсер етуде. Жатыр мойнының және жатыр денесінің астарлас және обыралды ауруларының дамуы – бұл ұзақ және көпсатылы үрдіс. Әйел жыныс мүшелерінің обырын ерте анықтау және уақытында патогенетикалық негізделген ем тағайындау бұл дерттің дамуының алдын алады. Кольпоскопия нысаналы биопсия жүргізу үшін және обырдың ерте көріністерін анықтау мақсатында қолданылады. Қазіргі заманда жатыр мойны обырының арнайы алдын-алуы енгізіліп жатыр.

2.2. Пәннің мақсаты:Жатыр мойны мен денесінің астарлас және обыралды ауруларының негізімен таныстыру, осы патология кезінде жүргізілетін зерттеу жане емдеу әдістері бойынша, науқастан анамнез жинау реттілігі бойынша, науқасты жалпы жане гинекологиялық тексеру бойынша, диагностикада қосымша әдістерді пайдалану және нәтижелерін бағалау бойынша, жатыр мойны мен денесінің ауруларын алдын алу шаралары бойынша студенттерге білім және тәжірибелік дағдыларды қалыптастыру.

2.3. Оқудың міндеттері:

· жатыр мойнының жане эндометрияның астарлас ауруларының этиологиясын оқу.

· жатыр мойнының және эндометрияның астарлас және обыралды ауруларың диагностика әдістерімен таныстыру

· жатыр мойнының және эндометрияның астарлас және обыралды ауруларының арасында дифференциалды диагностика жүргізуді үйрету

· жатыр мойнының және эндометрияның астарлас және обыралды ауруларың емдеу әдістерімен таныстыру

· жатыр мойны мен эндометрияның обырының алдын алу шараларының негізгі ұстанымдарына үйрету

· Науқастармен және қызметтестер арасында коммуникация дағдыларын игеру

· Қазақстан Республикасындағы алдын-алу тексерулер жүргізуде нормативті-құқықтық негізімен таныстыру

· Өзін-өзі жетілдіру дағдыларын дамыту.