Есеп жазу үшін нұсқау

Студентке практикалық есебін безендіру үшін практиканың соңында 2-3 күн беріледі.

Практика соңында студент практика барысында орындаған жұмыстарының есебін кафедраға тапсырады.

Есептегі материал мазмұны практика бағдарламасына және студенттің жеке жұмыс жоспарына сәйкес келуі тиіс.

Практика есебін жазуда студент бағдарламалық қаматамасыздандыруды жобалауда теориялық және практикалық білімін көрсете білуі қажет, сонымен қатар бағдарлама мазмұнындағы сұрақтарды сауатты талдап, әрі қатесіз жеткізе білуі қажет.

Есептің негізгі бөлімі келесідей мазмұнда болуы керек:

- жеке тапсырмалардың қойылу мақсаты;

- әрбір есепті шешу үшін қажетті алгоритмдер құру;

- кіріс және шығыс құжаттары және мәліметтер;

- бағдарлама мәтінін, есептерді және шығыс формаларын баспаға шығару.

Есеп дәптер түрінде бекітілетін стандартты А4 форматындағы ақ қағазға жазылады. Мәтін қара немесе көк сиямен толтырылады. Есепті принтер арқылы шығаруға да болады.

Есеп стандартты парақта келесі бет өлшемдерін сақтай отырып, орындалады: сол жағы – 30мм, оң жағы – 15мм, жоғарғы жағы – 20мм, төменгі жағы – 20мм.

Практика есебіндегі материал келесі рет бойынша орналасу керек:

- сыртқы парағы бекітілген форма бойынша;

- бет нөмері және тарау аты көрсетіледі;

- есеп мәтіні;

- кіріспе (кіріспеде практика мерзімдері, мақсаты және міндеті көрсетіледі);

- негізгі бөлім (жоғарыда көрсетілген);

- қорытынды (онда, орындалған жұмыстың қысқаша қорытындысы және практиканы өткізудің эффективтілігін жоғарлату ұсыныстары жазылу керек)

- әдебиеттер және әдістемелік материалдар тізімі.

- қосымша (кестелер, пішімдер, есептеулер, программалара мәтіні).

Безендірілген және қол қойылған есеп мекеме тарапынан болған жетекшісінің пікірімен бірге кафедраға өткізіледі.

Қорғауды қабылдау уақыты бекітіледі және студенке хабарланады.

Күнделікті безендіру (толтыру)

Оқу практикасының күнделігі студенттің өзімен жеке толтырылады. Орындалған жұмыстары туралы жазбалар қажет кезінде жүргізіледі, бірақ аптасына 1-2 реттен кем емес. Күнделік практика жеткшісінің қолтаңбасымен расталады.

Күнделіктегі мәліметтерді келесі рет бойынша орналастыру керек:

- сыртқы парағы бекітілген форма бойынша;

- практика өту кезіндегі орындалған жұмыс, мерзімі мен жетекшінің ескертулері бойынша;

- студенттің практикадан өту кезінде жинаған материалдарының тізімі;

- студенттің практикадан өту нәтижесі бойынша қорытындысы және ұсынысы.

 

 

Бағалар шкаласы

% Әріп түрінде баллдар Үйреншікті баға 95-100 А 4,0 өте жақсы 90-94 А- 3,67 85-89 В+ 3,33   жақсы   80-84 В 3,0 75-79 В- 2,67 70-74 С+ 2,33     қанағаттанарлық 65-69 С 2,0 60-64 С- 1,67 55-59 D+ 1,33 50-54 D 1,0 0-49 F   қанағаттанарлықсыз