Оқу практикасының құжаттары
Практиканың соңғы екі күні ішінде студент кафедраға келесі құжаттарды тапсыруы тиіс: оқу практикасының күнделігі және есебі. Бұл құжаттар факультет жетекшісімен қол қойылып, мөр басылады. Күнделік студенттің практикаға келгендігін дәлелдейтін және бағдарламаны орындағандығын сипаттайтын негізгі құжат. Күнделіктегі мәліметтер бойынша практика туралы есеп жазылады. Күнделікке күнделікті студент қайда, қашан және қандай жұмысты орындағандығы, жетекшісінің бағасы, кемшіліктер және ұсыныстар туралы жазба жазылады. Практика туралы есеп қорытындылайтын құжат және орындалған жұмыстың ғылыми-практикалық өзіндік жұмыс екендігін көрсетеді. Есеп мәтінінің мазмұны бағдарламадағы сұрақтарға сәйкес және қатесіз әрі безендірілген болуы қажет. Есеп қорытындысымен және ұсыныспен аяқталуы керек. Есептің жалпы көлемі қол жазбамен 30 беттен аспауы тиіс. Практиканың өткендігі туралы құжаттар (күнделік және практика есебі) практиканың соңғы екі күнінде тапсырылуы тиіс. Студенттің есебі оқу практикасының нәтижесі бағаланатын комиссия отырысында тыңдалады. «Қанағаттанарлықсыз» баға алу немесе есеп тапсырмаған жағдайда қайтадан оқу практикасын өтуге тура келеді. Студент практикаға дұрыс қатыспаған, ержелерді бұзған жағдайда немесе практика бағдарламасы бойынша сынақ кезінде толық дайындығы болмаған жағдайда ережелерді бұзу сипаттамасына қарай 2-ші жылға қалдырылады немесе студент қатарынан шығарылады. Студенттердің практикадан өту нәтижесінің бағасы теориялық курс бойынша емтихан бағасымен бірдей бағаланады және стипендия тағайындауда ескеріледі.
|
