Мен өзімнің қазақ екенімді мақтан тұтамын.

Мен – түбір сөз жіктеу есімдігі.

Өзімнің – өзім – түбір сөз өздік есімдігі, -нің- ілік септігінің жалғауы.

Қазақ – зат есім, деректі, жалпы есім, туынды түбір.

Екенімді- екен –етістік, -ім- етістіктен зат есім жасайтын жұрнақ, -ді – табыс септінің жалғауы.

Мақтан- түбірі мақта – негізгі етістік, болымды, -н- етістіктен зат есім жасайтын жұрнақ.

Етемін- түбір сөз -етем – жіктік жалғауының I жағы, -ін- етістіктен зат есім жасайтын жұрнақ.

3.ШЖМ-ң білім беру сапасын арттыру Білім – уақыт өзгерген сайын адамзат баласы үшін өз маңызын одан әрі арттырып, сездіре түсетін құндылықтардың бірі. Бүгінгі таңда елімізде білім берудің жаңа жүйесі жасалынып, әлемдік білім кеңістігіне өтуге бағыт алуда. Демек, әрбір мұғалімнің қазіргі мақсаты – сабақ сапасын көтеру үрдістерін жетілдіру,іздену,таным деңгейін жоғарылату. Елбасымыз Н.Ә.Назарбаев «Әлеуметтік –экономикалық жаңғырту –Қазақстан дамуының басты бағыты» атты Қазақстан халқына Жолдауында оқыту үрдісіне қазіргі заманғы әдістемелер мен технологияларды енгізу керектігін ерекше атап көрсетті.

Осыған орай шағын жинақты мектептердің ерекшеліктерін ескере отырып, білім беру мазмұнын жаңарту жағдайында педагогикалық үрдістерді ұйымдастыру бүгінгі баяндамамның өзекті мәселесі болмақ.

Қазақстан Республикасының білім беруді дамытудың 2011-2020 жылдарға арналған мемлекеттік бағдарламасында ШЖМ-де білім беру сапасын арттыру проблемаларын шешуге ықпал ететін іс-шаралардың бірі – ресурстық орталықтарды ашу деп көрсетілген. Тірек мектеп, яғни, ресурстық орталық – базасында жақын маңдағы ШЖМ –дің білім беру ресурстары шоғырланатын білім беру ұйымы. 2010 жылы мектебімізде ресурстық орталық ашылып, «Ресурстық орталық - шағын кешенді мектептегі оқыту сапасын арттыру механизмі ретінде» тәжірибелік –экперименттік жұмыстың бағдарламасымен жұмыс жасауда. Біздің тірек мектепке Қоңырат кентінен № 25, №3 мектептер, Саяқ кентінен №29, №6 магниттік мектептер бекітілген. Соңғы екі жылдағы ресурстық орталықта білім алған оқушылардың статистикалық көрсеткішіне көз жүгіртсек, 2010-2011 оқу жылында - 34 оқушы, 2011-2012 оқу жылында - 31оқушы білім алды. Оқыту тілі аралас. ШЖМ балалары үш рет, оқу жылының басында, ортасында, және соңында он күннен тірек мектепте білім алады. Сессия аралық кезеңде ШЖМ-да оқыту тірек мектеп мұғалімдерінің қатысуымен және қашықтықтан оқыту технологиясының көмегімен жүргізіледі.

Ресурстық орталықта жұмыс істейтін мұғалімдердің сапалық құрамына тоқталатын болсақ, барлығы - 9 мұғалім. Оның ішінде жоғары санатты - 4 (44 пайыз), бірінші санатты -3 (33 пайыз), екінші санатты -2 (22 пайыз) мұғалім.

Ресурстық орталықта сессия кезінде оқыту процесі оқу бағдарламаларына сәйкес оқушылар алған білімдерін жүйелеу, біліктіліктері мен дағдыларын тәжірибеде қолдану, оқытудың қиын жақтарын анықтау, олқылықтарды іс-әрекет негізінде шешуді мақсат етеді. Сессия кезінде осы аймақтар анықталып, тьютер технологиялық карталар негізінде сессия аралық кезеңдерде қиындықтарды жеңуге арналған тапсырмалар жүйесін даярлайды. Тьютер оқушы әрекеттерін бағыттап және түзетіп отырады, соның негізінде әр мұғалімнің жеке оқушымен жұмыс істеу уақыты артып, қабілетті оқушылардың білім алудың жоғары деңгейіне көтерілуіне мүмкіндік береді.

Оқытудың сессиялық түрі – оқу тәрбие процессін оқушылардың ресурстық орталық базасында болған кезінде жандандыруды көздейді, сабақтар блоктық-модульдік түрде, бірыңғай ұлттық тестке дайындық, білімді кәсібилікке бағыттау, оқу материалын игеруді бағыттау, бақылау, тәжірибе жұмыстарын орындау болып келеді.

Қазақстан Республикасының Үкіметінің қаулысымен бекітілген 12 жылдық орта жалпы білім беруге көшуге арналған іс-шараларының жоспарында оқушылардың жобалық, ғылыми зерттеу іс-әрекетін ұйымдастыру әдістемесі қарастырылған болатын. Осыған орай оқыту сессиясы кезінде мұғалімдер «Жобалау технологиясы» бойынша оқушылармен шағын - жоба жұмыстарын ұйымдастырады. Мектебімізде «Шағын –жоба ұйымдастыру» зертханасы бар. Жобалау технологиясы арқылы оқыту - оқушыларды меңгерген білімдерін практикада қолдана білу қажеттілігіне баули отырып, зерттеу мен жоба жасауға мақсатты әрі жүйелі түрде бағыттайды. Мұғалімнің оқушымен бірге шағын –жоба ұйымдастыру жұмысы тәжірибесімен бөліссек деймін.

Ресурстық орталық оқу үрдісінің нәтижелілігін көтеру, шағын жинақты мектеп түлегінің өмір сұраныстары мен бәсекеге даяр болуы: оқушының білім мен білік, дағдыларды теріп қана қоймай өздігінен білім алуға құлшынысын ояту, сабақтастық ұстанымдарын сақтай отырып, кәсіби бағытқа бейімделген, адамгершіл, тілдік функционалдық сауаттылығы,саяси құқықтық,жаратылыс заңдылықтары бойынша білім негіздері қалыптасқан интеллектуалды іскер тұлға тәрбиелеуді парыз етіп ұстанады. Осылайша ресурстық орталық ШЖМ оқушыларының сапалы білімге қол жеткізуін қамтамасыз етеді.