Пляценне плоскіх пляцёнак

Рысунак — Каробка. Спалучзнне у вырабу прамога пляцення ("шахматка") і плоскай пляцёнкі «зубатка»

3 асобных саломін плятуць розныя пляцёнкі. У працэсе пляцення саломіны накладваюць адна на адну ці танчэйшую ўстаўляюць унутр таўсцейшай. Гэта дазваляе атрымаць доўгія стужкі. Традыцыйна ў народзе гэтыя стужкі сшываюць пры дапамозе нітак ці конскага воласу і робяць такім чынам розныя рэчы ўжыткавага і дэкаратыўнага характару, напрыклад капелюшы, торбачкі, сурвэткі, пано. Пляцёнкі выкарыстоўваюцца таксама для аздаблення розных зборных аб'ёмных вырабаў, напрыклад шкатулак, для саламянай скульптуры і цацак.

Існуе мноства розных відаў пляцёнак. Яны розняцца паміж сабой па шырыні, малюнку, шчыльнасці. Знешні выгляд пляцёнак, іх трываласць, цвёрдасць ці пластычнасць залежаць ад таўшчыні і колькасці саломін, узятых для пляцення, і спосабаў іх перапляцення.

Рысунак 2 — Плеяценне плоскай пляцёнкі–“зубаткі”

Пляцёнка «зубатка»

«Зубатка» — адна з пляцёнак, найбольш часта ўжываемых у саломапляценні. Яна мае зубчатыя краі, вызначаецца прыгажосцю малюнка, простая ў выкананні. Пляцёнка трывалая, амаль не падвяргаецца расцягванню, але ў той жа час мае здольнасць да крывалінейнага выгіну (іл.).

У народным саломапляценні «зубатка» шырока выкарыстоўваецца для сшывання капелюшоў, сумак, для аздаблення краёў плеценых прадметаў.

Спатрэбіцца дзве саломіны. Работа вядзецца чатырма канцамі (мал. 21).

А, Б, В — замацаванне саломін у пачатку працы.

Г — саломіну 1 перагнуць да сябе, укласці паверх саломін 4, 3 пад саломіну 2.

Д — саломіну 4 — ад сябе, укласці пад саломіну 3 паверх саломіны 2 пара-лельна саломіне 1.

Е — саломіну 3 — ад сябе за саломіну 4, прапусціць пад саломіны 2, 4, укласці паверх саломіны 1 — на гэтым этапе ўтвараецца першы левы зубчык пляцёнкі, з наступнай пазіцыі пачынаць выплятаць правы зубчык.

Ж — саломіну 3 перагнуць праз саломіну 1, укласці паверх саломіны 4 паралельна саломіне 2.

3 — саломіну 1 перагнуць ад сябе за саломіну 3; прапусціць пад саломіны 4, 3, укласці паверх саломіны 2 — утвараецца другі зубчык.

I, К — на гэтых этапах пляцення ўтвараецца трэці зубчык. Далей пляценне выконваць у тым жа парадку: па чарзе заплятаць дзве правыя саломіны, затым — дзве левыя.