Аукцион мағынасы.

Аукционнан туындайтын мiндеттемеге сəйкес, конкурстық саудаластық нəтижелерi бойынша сатушы аукционның затын ол үшiн неғұрлым жоғары баға ұсынатын аукцион қатысушысына сатуға мiндеттенедi. Аукционның пəнi болып азаматтық айналымнан шығарылмаған кез клген қозғалатын немесе қозғалмайтын мүлiк табыла алады. Бұған қоса, акциондарда интеллектуалдық меншiк объектiлерiне деген құқықтар, импорттық, экспорттық жəне өзге де квоталар мен лицензияларды қоса алғанда, шарттар бойынша жəне мүлiктiк құқықтар сатылаалады.

Аукцион да, тендер сияқты саудаластық жүргiзудiң ерекше нысаны болып табылады. Аукцион оның ұйымдастырушысының ал бiрқатар жағдайларда пайдасына аукцион өткiзiлетiн үшiншi тұлғалардың мүдделерiн барынша ескеруге мүмкiндiк бередi.

Аукцион сатушымен бастапқы кезде жария етiлген бағаны көтеру шарттарында ағылшын əдiсi бойынша, не бағаны түсiрумен голландық əдiс бойынша өткiзiлуi мүмкiн. Бағаны төмендетуге өткiзiлетiн акционның шарттарымен минималды баға (ең төменгi баға) көзделуi мүмкiн. Яғни аукцион пəнiнiң сатылу бағасы осы төменгi бағадан ары қарай төмендетiлмеуге тиiс.

Аукционға қатысу туралы ұсыныстар аукцион пəнi туралы мəлiметтердi қамтуға, сондайақ сол бiр немесе өзге сатып алушы қандай аукциондық, саудаластыққа қатысқтысы келетiнiн нақты анықтауға мүмкiндiк бередi. Əрбiр сатып алушы, егер аукционды өткiзудiң шарттарында өзгеше белгiленбесе, аукцион басталғанға дейiн аукционға қатысуға өтiнiш беруге жəне кепiлдiк жарнаның белгiленген сомасын енгiзуге тиiс.

Егер аукционға кемiнде екi сатып алушы қатысса, ол өткiзiле алады. Егер аукционның затын сатып алушылардың (қатысушылардың) бiрде бiрi сатып алғысы келмесе, бастапқы баға төмендетiлуi (əрине егер ол белгiленсе төменгi шекке дейiн) немесе аукционның заты осы аукционнан алып тасталуы мүмкiн. Егер аукцион шарттарында өзгеше белгiленбесе, аукцион мiндеттемесiне сүйене отырып ең жоғары баға ұсынған аукционға қатысушымен оған аукционның затын сату туралы шарт жасалуға тиiс.Егер сатып алушы шартты жасасудан бас тартса, ол аукционға қатысушылардың қатарынан шығарылады, оған кепiлдiк жарна қайтарылмайды. Сатып алушы сатып алудан бас тартқан аукционның заты қайтадан саудаластыққа шығарылуы мүмкiн.Егер тұлға аукционға қатысып онда ештеңе сатып алмаса оған кепiлдiк жарна қайтарылуға тиiс.Аукционның қандай да болсын затын сатып алған тұлғаға кепiлдiк жарнасының сомасытөленген сатып алу бағасының есебiне есептеледi.