Болатаў Андрэй

Нарадзіўся ў 1982 годзе ў Мінску. Скончыў Мінскі дзяржаўны лінгвістычны ўніверсітэт. Перакладчык англійскай і італьянскай моў. Пісаць пачаў у 2003 годзе. Лаўрэат конкурса «Новая беларуская фантастыка», наладжанага Саюзам пісьменнікаў Беларусі ў 2010 годзе. Піша на рускай мове.

Болотов, Андрей. Панацея / А. Болотов. — Минск: Харвест, 2014. — (Новая белорусская фантастика = Новая беларуская фантастыка) (Бібліятэка Саюза пісьменнікаў Беларусі = Библиотека Союза писателей Беларуси).

Раман Андрэя Болатава «Панацэя» атрымаў трэцяе месца ў конкурсе «Новая белорусская фантастика», у якім прымалі ўдзел 68 аўтараў.

У кнігу «Панацэя» ўвайшлі аднайменны раман і тры апавяданні. Гэта цікавая афарыстычная проза, дзе адчуваецца тонкае разуменне жыццёвых калізій і псіхалогіі персанажаў. Творы маюць лагічна выбудаваны сюжэт і адначасова не пазбаўлены мастацкасці.

Зыходзячы з сюжэту, раман «Панацэя» можна аднесці да жанру альтэрнатыўнай гісторыі і навуковай фантастыкі адначасова. Дзея рамана разгортваецца ў выдуманай дзяржаве на пачатку 20 стагоддзя. Горад N ахоплівае эпідэмія загадкавай хваробы. У пошуках лекаў галоўны герой — губернатар Улад Сцяпенскі — уваходзіць у супрацьстаянне з бандытамі і тайнай паліцыяй. Панацэя ад хваробы хавалася ў руінах недалёка ад горада. А насамрэч, ва ўсім вінаватыя чужынцы з іншых планет, якія выпадкова страцілі кантроль над сваёй лабараторыяй і людзі гарадка N пацярпелі ад вірусаў. Але, як кажуць, няма худа без дабра. Барацьба супраць віруса аб’яднала людзей і супраць дзяржаўнай улады, якая нічога не рабіла, а яшчэ больш, перашкаджала ў пошуках панацэі ад хваробы.

Удала выкарыстоўвае А. Болатаў у якасці эпіграфаў да кожнага раздзела выказванні вядомых гістарычных асоб і пісьменнікаў, а іншым разам — персанажаў свайго рамана. Адзначым толькі некалькі афарызмаў:

«Нет лекарств от всех болезней, зато хватает болезней от всех лекарств»;

«Если уж человек перешёл на личности, он идёт по ним до конца»;

«Всему приходит конец. Только иногда неожиданный…»

Больш прачытаць пра аўтара:

1) Дудзюк, З. Таямнічыя пячоры / З. Дудзюк // Літаратура і мастацтва. — 2015. — №1. — С. 6

2) http://www.oo-spb.by/ru/news/konkursi/129.html